Cruceiro da Pereiriña

Nome: Cruceiro da Pereiriña

Parroquia: Coiro. 

Lugar: Espírito Santo

Rúa ou camiño: Rúa da Pereiriña 11 

Basamento: De planta cadrada e de dous chanzos.  

Pedestal: Ten forma de prisma cadrangular. Na cada frontal hai unha cartela cunha inscripción en altorrelevo coa data, que di: 

ANO 2001 

Varal: Ten unha basa redonda, cunha moldura cóncava ou escocia na parte superior. O varal é de sección octogonal, liso e sen figuras, e de uns dous metros de altura. 

Capitel: O capitel ten forma de tronco de pirámide invertido, e está figurado polas catro caras con rostros de anxos sobre as alas abertas.    

Cruz: Ten os brazos de sección octogonal, cos extremos rematalos en pétalos (cruz florenzada). 

Diante da cruz hai un Cristo ben proporcionado, co rostro inclinado á esquerda, o cabelo longo e os brazos paralelos á cruz. Sobre a súa cabeza campa a cartela co INRI. 

No reverso, hai unha figura da Virxe do Carme, coa cabeza coroada, sostendo un escapulario na man dereita e levando un neno Xesús bastante desproporcionado no brazo esquerdo. 

Estado de conservación: Bo. 

Outras informacións: Segundo o propietario da casa na que está o cruceiro, mandárono facer a un canteiro de Pontevedra. 

Información recollida por: 

Alexandre C. de C. (2º ESO B).