Visita ao Museu de Pontevedra.

O pasado martes 23 de xaneiro, no cadro do noso proxecto sobre Castelao e as cruces de pedra, visitamos o Museu de Pontevedra, onde se expón a maior parte da obra do artista rianxeiro. 

As guías do Museo amosáronos as sás adicadas a Castelao, onde puidemos admirar os grandes cadros de cegos que fixo para o balneario de Mondariz, e outras pinturas de paisaxes. 

Tamén vimos os debuxos orixinais do album "Nós" e dos seus álbumes de guerra, e os cartaces que deseñou para o referendo do Estatuto de autonomía de Galicia. Había ademais das súas obras algúns obxectos persoais, como a súa caixa de pinturas, os seus trebellos para facer gravados, e mesmo as súas famosas lentes redondas. 

Nunha vitrina tamén puidemos ver algúns dos debuxos que fixo durante a súa estadía  na Bretaña en 1928, e que formaban parte do seu "caderno de viaxe". Tamén estaban algúns dos debuxos cos que ilustrou o seu estudo sobre as cruces de pedra na Galiza, xunto con outros deseños e gravados. Esperamos axiña poder seguir os seus pasos. 

Moitas grazas ao Museu de Pontevedra pola súa acollida e por explicarnos tantas cousas.