E para rematar coa nosa escolma de cadernos, presentámosvos os máis salentabeis de 2º de ESO C. Había moitos máis, e todos eles merecerían estar aquí, pero había que escoller.
Velaquí o moi curioso caderno de Noelia.
Ilana fixo tamén un caderno ben bonito. Aí o tedes.
O caderno de Celia, non se pode pedir máis.
Seguindo coa nosa exposición dos cadernos de viaxe dos alumnos, eis unha escolma dos mellores traballos de 2º de ESO B. Un gran traballo!
Eis o caderno de Inés, moi estético e elegante.
Este é o traballo de Sergio, moi aquelado tamén.
Este é o moi bonito traballo de Aitana.
Castelao era un gran debuxante tamén de cadernos. En 1921 fixo unha viaxe por toda Europa para visitar museus e coñecer de primeira man a arte de cada país, e escribiu un diario cheo de debuxos e anotacións coas ideas que se lle pasaban pola cabeza. Logo en 1928, cando viaxou a Bretaña, levou tamén un diario no que deseñaba non só as cruces e “calvaires” que visitaba, senón retatos de personaxes bretóns que lle chamaron a atención. Castelao levaba case sempre cadernos e lapis, e fixo centos de debuxos que logo se converteron en pinturas e ilustracións.
Nós imos facer un caderno que serva para recoller todo o que aprendemos durante o noso proxecto, sobre os cruceiros, sobre Castelao, a súa obra e o Patrimonio da nosa vila. E quizais algúns destes cadernos poidan converterse nun verdadeiro "carnet de voyage" cando viaxemos a Bretaña.
Parroquia: Aldán.
Lugar: O Outeiro / Menduíña.
Rúa ou camiño: Rúa do Outeiro de Menduíña.
Está no alto do Outeiro de Menduiña, nun espazo axardinado detrás dunha casa.
Basamento: Ten planta cadrada e tres chanzos.
Pedestal: Non ten. O derradeiro chanzo fai as veces de pedestal.
Na parte posterior ten unha placa de bronce que di:
Varal: Ten sección cadrada na súa base, e vira a media altura a sección octogonal. É liso e non ten decoración nin figuras.
Capitel: De orde corintia ou composta, con tres ringleiras de follas, e volutas ou caulículos nas esquinas.
No anverso hai unha figura de Cristo crucificado, de membros algo desproporcionados, cos brazos paralelos aos brazos da cruz e a cabeza inclinada á esquerda. Non ten cartela.
No reverso hai unha imaxe da Virxe das Angustias, sobre un pequeno pedetal, coa cabeza cuberta co manto e as mans en actitude orante.
Estado de conservación: Bo.
Outras informacións: Este cruceiro pertenceu a Manuel Jesús García Garrido, que foi reitor da Universidade de Compostela entre 1968 e 1972, e estivo uns 50 anos no xardín da súa casa na praia de Menduíña. En 2014 foi doado polo propietario e colocado mirando ao mar no Miradoiro do Outeiro, que fora acondicionado e axardinado no 2010.
Nos penedos arredor do cruceiro hai varias placas conmemorativas.
Información recollida por:
Alexandre C. de C. (2º ESO B).
Parroquia: Aldán
Lugar: Menduiña- Os Carballiños.
Rúa ou camiño: Rúa de San Amaro.
Está no adro da ermida de San Amaro.
Basamento: Non ten. Esá instalado sobre unha rocha que aflora no chan.
Pedestal: Ten forma de prisma cadrangular, moi baixo, case a rentes do chan.
Cruz: Non ten capitel. O traveseiro repousa directamente dobre o varal. Os brazos teñen rección octogonal, cos remates cadrados. Non ten figuras.
Estado de conservación: Bo.
Información recollida por:
Alexandre C. de C. (2º ESO B).
Parroquia: Aldán.
Lugar: San Cibrán.
Rúa ou camiño: Rúa Bispo Cerviño.
Está dentro do Cemiterio parroquial de Aldán.
Basamento: Ten un só chanzo, de planta octogonal.
Pedestal: Ten forma de prisma cadrangular, bastante alto, rematado arriba e abaixo por molduras. Non ten inscripción nin decoración.
Capitel: O capitel é de orde dórica, e de forma cadrada, Está separado do fuste por un colarete amplo de sección cadrada.
Cruz: É unha cruz grega patada (cos extremos máis anchos que o centro), elevada sobre o capitel con un pé de sección cuadrangular. Non ten figuras.
Estado de conservación: Bo.
Outras informacións: O cemiterio de Aldán construiuse entre os anos 1894 e 1904, no que se remataroon as obras e pasou a depender co Concello de Cangas.
Diante do cruceiro, separado un par de pasos, hai un pousadoiro para pousar o cadaleito e rezarlle o responso ao defunto antes do enterro.
Información recollida por:
Alexandre C. de C. (2º ESO B).
Parroquia: Coiro.
Lugar: Espírito Santo
Rúa ou camiño: Rúa da Pereiriña 11
Basamento: De planta cadrada e de dous chanzos.
Pedestal: Ten forma de prisma cadrangular. Na cada frontal hai unha cartela cunha inscripción en altorrelevo coa data, que di:
Capitel: O capitel ten forma de tronco de pirámide invertido, e está figurado polas catro caras con rostros de anxos sobre as alas abertas.
Diante da cruz hai un Cristo ben proporcionado, co rostro inclinado á esquerda, o cabelo longo e os brazos paralelos á cruz. Sobre a súa cabeza campa a cartela co INRI.
No reverso, hai unha figura da Virxe do Carme, coa cabeza coroada, sostendo un escapulario na man dereita e levando un neno Xesús bastante desproporcionado no brazo esquerdo.
Outras informacións: Segundo o propietario da casa na que está o cruceiro, mandárono facer a un canteiro de Pontevedra.
Información recollida por:
Alexandre C. de C. (2º ESO B).
Nome: Cruceiro do Castrillón.
Parroquia: Coiro.
Lugar: O Castrillón.
Rúa ou camiño: Rúa do Castrillón 2.
Está na encrucillada entre a Rúa do Castrillón e a Rúa Faroleira, que conduce ao Cemiterio de Coiro.
Basamento: Ten un só chanzo, de planta cadrada.
Pedestal: Ten forma irregular, redondeado na metade inferior, e cadrado na superior. É liso, sen inscripcións nin decoracións.
Capitel: O capitel émoi sinxelo: unha simple moldura cadrada, sen máis adornos, sobre o varal.
A curz é desproporcionadamente pequena en comparación co groso e altura do fuste.
Estado de conservación: Bo.
Outras informacións: O cruceiro sinala o camiño que leva ao Cemiterio de Coiro, que foi construido entre 1908 e 1910.
Información recollida por:
Alexandre C. de C. (2º ESO B).
Parroquia: Darbo.
Lugar: O Seixo.
Rúa ou camiño: Rúa do Piñeiro 3.
Está no patio traseiro da Biblioteca Pública de Darbo.
Basamento: Ten planta cadrada e tres chanzos, o primeiro case soterrado.
Pedestal: Ten forma de prisma moi baixo, de planta cadrada e cos cantos biselados.
Capitel: O capitel é de orde dórica, sinxelo e sen decoración. Está separado do fuste por un amplo colarete remarcado cunha moldura cilíndrica.
Estado de conservación: Bo.
Outras informacións: Non ten data.
Información recollida por:
Antón B. L. (2º ESO B).
Cruceiro da Virxe.
Parroquia: Coiro.
Lugar: A Graña.
Rúa ou camiño: Rúa da Graña 73
Basamento: Ten un só chanzo, de planta cadrada.
Pedestal: Ten forma de prisma cadrangular. Na cada frontal hai unha inscripción que di:
A cara frontal do fuste está decorado con relevos dos instrumentos da paixon de Xesucristo. De abaixo a arriba, na base (cadrada) hai un gran cáliz ou Grial. Despois unha columna cun azoute enrolado arredor, en alusión á flaxelación de Cristo. Sobre esta, en paralelo, a lanza de Longinos e a vara coa esponxa de vinagre. Enriba hai cruzados un martelo e uns tenaces aludindo ao cravamento e ao desencravo na cruz.
Capitel: O capitel é un bloco prismático simple, separado do fuste por un colariño en forma de moldura cilíndrica. Na parte frontal seguen en relevo os instrumentos da paixon, de esquerda a dereita, a cartela co INRI, a coroa de espiñas e os tres cravos. As outras caras están lisas.
Cruz: Ten os brazos de sección cadrada, lisa e sen adornos. Do traveseiro colga, en cada brazo, un suario ou un pano de pureza.
Diante da cruz, e pousada no amplo capitel, hai unha imaxe da Virxe da Piedade. Sostén no colo o Corpo de Xesucristo, coa cabeza cara a esquerda. Leva a cabeza cuberta co manto, e sobre o peito hai un corazón atravesado por sete espadas, en alusión ás sete dores.
Información recollida por:
Alexandre C. de C. (2º ESO B).
